Технологийн дэвшил бидний амьдралыг хөнгөвчилж, бүтээмжийг нэмэгдүүлсээр байна. Мөнгө тоологч төхөөрөмж нь үр бүтээмж, нарийвчилсан тодорхой байдал зэргийг сайжруулахад чиглэн олон янзын шийдлүүдийг хангаж өгдөг.
Энэ төхөөрөмж нь банк, дэлгүүр, зочид буудал зэрэг олон газруудад нэн хэрэгцээтэй зүйл болсон билээ. Бизнессмэнүүд энэ төхөөрөмжийг олон ашиг тустай учраас өдөр тутмын ажил хэрэгтээ хэрэглэдэг байна. Яагаад вэ гэвэл:
1. Цаг хэмнэнэ
Mэдээж гараар мөнгө тоолохоос хавьгүй илүү хурдтай. Маш олон дэвсгэртийг нэг удаагийн тоололт дээр тоолж чадна. Энэ нь хэдхэн секунт болдог ба гараар тоолохдоо бид буруу тоолсон байж магадгүй гэж дахин нэг тоолж цаг гарзддаг. Харин мөнгө тоологчинд ийм асуудал байхгүй юм.
2. Яг таг тодорхой тоолдог
Мөнгө тоологч нь ямар ч алдаагүйгээр, хэдэн төгрөг тоолсныг яг таг гаргаж ирнэ. Бид гараар тоолохдоо алдаатай, хоорондоо наалдсан хуучин дэвсгэртүүдийг заримыг нь орхигдуулан тоолсон тохиолдол байдаг, харин мөнгө тоологч хоорондоо бага зэрэг наалдсан дэвсгэртийг ч орхигдуулахгүй тоолно.
3. Ажиллуулахад амархан
Ашиглахад амархан давуу талтай. Мөнгөө хийхэд өөрөө тоолж эхлэнэ, тоолж дуусаад мөн өөрөө зогсоно. Энэ төхөөрөмж нь хэн ч мөнгөө хийгээд тоолж чадах маш энгийн функцүүдтэй.
4. Ухаалаг
Орчин үеийн мөнгө тоологчнууд загварлаг үзэмж сайтайгаар зогсохгүй мөн ухаалаг юм. Төхөөрөмж нь өөрийнхөө системийг хүртэл ойлгоно. Өөрийгөө автоматаар шалгаж, төхөөрөмжинд ямар нэгэн асуудал байвал үүнийгээ мэдэгдэнэ. Зарим мөнгө тоологч өөр улсын мөнгөн дэвсгэртийг хүртэл таньж уншин, нийт мөнгөн дүнг заана.
5. Хуурамч мөнгөн дэвсгэртийг илрүүлнэ
Энэ бол мөнгө тоологчтой байхын нэг чухал ашиг тус юм. Бид гараар тоолж байхдаа ихэнхидээ хуурамчийг нь ялгаж мэддэггүй. Харин энэ төхөөрөмж нь бизнессийн маш том алдагдалд орохоос сэргийлж байгаа юм.